खुल्ला आकाश सुर्यको हसिँलो उपस्थिति
पवन, पर्यावरणको व्यस्त दैनिकी
चराचुरुङगीको चिरबिरे माधुर्यता
चम्किला अनुहारका बालबालिकामाझ,
खासखुस दायाँ र बायाँ छ
ख्यालठट्टामा लुकेको खुलदुली छ
समय र परिस्थितिको छलफल छ
हिजो र आजको समिक्षा छ
उत्साह र उमंगको वसन्तको साथै
सुन्दर शान्त प्रकृतिको प्रार्थना छ
तर निन्याउरो छ अनुहार
हजुरबुबा, हजुरआमा, भाइबहिनी,
आफ्ना चौपायाको यादमा
शिशिर जीवन्त पाल भित्र न्यानो छतको यादमा
छारेरोगले भन्भन्याउदै मुर्छा परेकी आमाको
यादको बाबजूद
शुभप्रभात !
शुभदिन अनि सन्ध्याको कामना छ
पृथ्वीले अर्को एक फन्को लगाएको दिन
न्यास्रो भूकम्प तिम्रो छ ||
No comments:
Post a Comment