माया

Source:www.jenellbstewart.com

नयनको सामुन्ने यो चम्किलो तेजिलो,

प्रखर, प्रज्वलनशील गोलो 

हावामा अन्तरङ्गको प्रवेग एक्कासि बढेर आएजस्तै छिटो 

रेटिनामा खिचि ल्यायो सुन्दर तिम्रो फोटो ।।

ज्वलनशील त कहिले न्यानो
चम्किलो छ आकृति तिम्रो

लौ ! दिन र रात एकैनास हुने

  कस्तो अनुभव हो यो ? 

विलीन हुने, लोप​ हुने छैन

शताब्दी यो रहिरहने अन्त्य यसको छैन 

अजर अमर रहनेछ युगान्तकारी माया

अटुट, मज्बुत गाँसिएको साइनो दायाँ र बायाँ ।।